Selamat Datang...

Berbagi, Manfaat .....

Minggu, 07 April 2013

LAGU-LAGU BANJAR

Beberapa lagiu yang sering saya nyanyikan bersama siswa di sekolah, untuk mempopulerkan lagu-lagu banjar. Semoga lagu urang banjar tetap dinyanyikan oleh anak-anak dan dibanggakan oleh urang banua.


PARIS BARANTAI 
Cipt. H. Anang Ardiansyah
Wayah pang sudah hari baganti musim
Wayah pang sudah

Kotabaru gunungnya Ba' mega
Ba' mega umbak manampur di sala karang
Umbak manampur di sala karang
Batamu lawanlah adinda
Adinda iman di dada rasa malayang
Iman di dada rasa malayang
Pisang silat tanamlah babaris
Babaris...tabang pang bamban kuhalangakan
Tabang pang bamban kuhalangakan
Bahalat gununglah babaris
Babaris hatiku dandam ‘kusalangakan
Hatiku dandam ‘kusalangakan

Burung bintit batiti di batang
Di batang si batang buluh kuning manggading
Di batang buluh kuning manggading
Kacilangan lampulah di kapal
Di kapal anak Walanda main komidi
Anak Walanda main komidi
Malam tadi bamimpilah datang
Rasa datang rasa bapaluk lawan si ading
Rasa bapaluk lawan si ading
Kasiangan guringlah sabantal
Sabantal tangan ka dada hidung ka pipi
Tangan ka dada hidung ka pipi

AMPAR-AMPAR PISANG
Cipt. Hamiedan AC
Ampar-ampar pisang
Pisangku balum masak
Masak sabigi, dihurung bari-bari 2x
Masak sabigi, dihurung bari-bari 2x
Manggalepak, manggalepok
Patah kayu bengkok
Bengkok dimakan api,
apinya kakurupan
Bengkok dimakan api,
apinya kakurupan
Nang mana batis kutung, dikitip bidawang 2x
Jari kaki sintak, dahuluakan masak 2x
Ampar-ampar pisang
Pisangku balum masak
Masak sabigi, dihurung bari-bari 2x
Masak sabigi, dihurung bari-bari 2x
Mangga ricak, mangga ricak
Patah kayu bengkok
Tanduk sapi, tanduk sapi, kulibir bawang 2x
 
UMA ABAH
Cipt. H. Anang Ardiansyah
1.
Hari panas manggantang
Matahari manggantang panasnya manggantang
Rasa rakai tulang iga sampai ka pinggang
mangilik nanang, galuh caramin matanya
Uma batulak, mancariakan rajakinya
2.
Guntur kilat basambung
Ujan labat arus daras wan galumbangnya
Awak basah kadinginan di tangah sungai
Abah malunta, baluman tantu pakulihnya
Abah batulak, mancariakan rajakinya
3.
Uma, 'mun bulih sakit uma kugantiakan
lawan sagala pahalaku
Abah, 'mun bulih paluh abah kugantiakan
lawan sagala amalku
Uma Ratu'ai
Abah Raja'ai
4.
Ya Allah Ya Robbi
Kucium batis uma nang manyayangi
Kucium tangan abah nang malindungi
Ampuniakan dosa uma wan abahku
Ampuniakan dosa uma wan abahku
(*)
Kembali ke no.3
selanjutnya
5.
Allahumma Allah
Robbighfirli wali waa lidayya 2 x
Ampuniakan dosa uma wan abahku 2 x



SANJA KUNING
Cipt. H. Anang Ardiansyah
Bamula angin manyapu banyu
Mamirit di batang banyu
Maantar alang tarabang
Handak bulik ka sarangnya
Galuh, lakas naik
sanja kuning sanja luruh
di muara
Bakayuh jukung dukuh hancap bulik
Sudah dikiau abahnya
Sanja kuning luruh
Tatanaman layu, apa wahananya
Sanja kuning luruh
Tatanaman layu, sasuka duka
Galuh, putikakan kambang waluh
Tampulu malarak, sanja
Bakayuh jukung tiung hancap bulik
Sanja di muara

SAPU TANGAN BABUNCU AMPAT
Cip. Zaini / Taboneo Group
Saputangan babuncu ampat
Sabuncunya dimakan api
Dimakan api
Luka nang di tangan
Kawa dibabat
Luka nang di hati
Hancur sakali
Tabang bamban jangan diparit
'Mun diparit buang ka sumur
Buang ka sumur
Rindang pang dandam
Jangan diharit
Lamun diharit
Mambawa umur

 ANAK PIPIT 
Cipt. Hamiedan AC
Anak pipit
Gugur matan di sarang
Ka tanah di sala rapun saray
Umay umay
Kada pang sampai hati
Malihat anak pipit 'kan cilaka
( * )
Kasihani anak pipit
Ambili anak pipit
Jangan biarkan anak pipit
Dalam sengsara
Kasihani anak pipit
Ambili anak pipit
Jangan biarkan anak pipit
Dalam sengsara

PAMBATANGAN
Cipt. A. hamka
Matan di hulu
Mambawa rakit bagandengan
Bahanyut matan di udik Barito
Awal hari baganti minggu
Siang dan malam
Waktu hari baganti hari
Istilah urang mancari rajaki
Kada talapas lawan gawi
Panas hujan kada manjadi papantangan
Kada hiran tatap dirasaakan
Mananjak batang sambil barami-ramian
Akhirnya sampai ka tujuan
Inilah nasib manjadi urang pambatangan
Lamun nasib sudah ditantuakan
Insya Allah ada harapan

AMPAT LIMA
Lihat di YouTube 
Cipt. H. Anang Ardiansyah
Ampat si ampat lima kaka ay
kuriding patah
patah sabilah, patah sabilah,
di higa lawang
Ampat si ampat lima kaka ay
'ku tanding sudah
kada manyama, kada manyama,
nang baju habang
Banyak urang nang maantar tapih
salambar-lambar kada bakain
Banyak sudah urang nang mamilih
Juduhnya kada ka lain
Ampat si ampat lima ka ay
kuriding patah
patah sabilah, patah sabilah,
di higa tajau
Ampat si ampat lima ka ay
'ku tanding sudah
kada manyama, kada manyama,
nang baju hijau
Thankks alot Sumber: Wiki Buku

Tidak ada komentar:

Posting Komentar